👀1864 жылы 8 қаңтарда Ыбырай Алтынсарин қазақ балаларына арналған алғашқы мектеп ашты. Бұл жауапкершілігі жоғары іс болғандықтан, оны ашу оңайға соқпады. Мәселен, қаражат жеткіліксіз болды әрі облыстық басқарма мен жергілікті билік тарапынан қолдау болмады. Алайда аталған қиындықтар ағартушының сағын сындырмады. Ол ағартушылық идеяларымен жігерленіп, халыққа зайырлы білімнің маңызын түсіндіре отырып, ауылдарды аралады. Осылайша, тікелей өзінің араласуымен халықтан жинаған қаржыға мектеп үйін және интернат салып, 1864 жылы 8 қаңтарда мектептің жаңа ғимаратын салтанатты түрде ашады. Осы орайда Алтынсарин өзінің әйгілі «Кел, балалар, оқылық!” өлеңін жарыққа шығарды. Кейін ол Қазақстанның басқа облыстарында, соның ішінде қыздарға арналған бірнеше мектеп ашуға мүмкіндік алды.
🌍Бүгін астрологтар Жердің айналу күнін атап өтеді. Баршаға мәлім, ғаламшарымыз тік осьтің айналасында әр 24 сағат сайын айналады. Бұл бір тәулікке тең. Алайда негізгі білім 1851 жылдың 8 қаңтарында француз физигі Леон Фуко әйгілі маятнигі арқылы Жердің айналатынын дәлелдеген кезде еш күмән тудырмайтын шындыққа айналды. Бүгінде Фуко маятнигі әлемдегі ғылыми мұражайлардың ажырамас бөлігі саналады. Міне, осы қарапайым, бірақ бірегей өнертабыста ілулі тұрған қорғасын шар тәулік бойы Жердің айналуын көрсетеді.
⚡️2019 жылдың 8 қаңтарында Гиннестің рекордтар кітабының комиссиясы ақтөбелік дәрігерлердің қан қысымын бір мезгілде өлшеу бойынша рекордын ресми түрде растады. Ауқымды акция 2018 жылдың шілдесінде өтіп, 4270 ақтөбеліктің қан қысымы өлшенді. Бір сағат ішінде 500 дәрігер 18 бен 60 жас аралығындағы қала тұрғындарының қан қысымын өлшеп, алынған мәліметтермен таныстырып, оларға тиісті кеңестерін берді. Бұған дейін бұл әлемдік рекорд Үндістанға тиесілі болды: 2015 жылы үндістер бір сағатта 3600 адамның қан қысымын өлшеген.
👥8 қаңтарда өмірге келген танымал тұлғалар. 90 жыл бұрын америкалық әнші әрі актер Элвис Пресли (1935-1977) дүниеге келді. Әлемде “рок-н-ролл патшасының” жазбалары 1 миллиардтан астам данамен сатылды. Ол бүгінгі күнге дейін сұранысқа ие. Элвис Грэмми сыйлығын үш мәрте иеленді. Сондай-ақ “Рок-н-ролл Даңқ Залына” енген алғашқы музыканттардың бірі. Rolling Stone журналы оны барлық уақыттағы ең ұлы әншілер тізімінде 3-орынға қойды. Сонымен қатар бүгін 2011 жылдан бері Солтүстік Кореяның басшысы болып келе жатқан Ким Чен Ын 41 жасқа толды. Ким отбасы елді 1948 жылдан бері басқарып келеді. Солтүстік Корея — әлемдегі ең жабық елдердің бірі. Сондықтан бірқатар әлеуметтік-экономикалық көрсеткіштер бойынша әлем мемлекеттері арасында соңғы орындардың бірінде тұр. Ким Чен Ынның билігі зымыран және ядролық қаруды дамытудың жалғасуымен, ғарыштық спутниктердің ұшырылуымен, экономикалық реформалардың жүзеге асырылуымен ерекшеленеді. Оның қызықты атақтары бар. Яғни, “Жаңа жұлдыз” және әскери стратегияда “Данышпандар арасындағы данышпан” атағын алды.
