👏9 қыркүйек – Халықаралық сұлулық күні. Бұл күннің мақсаты — әлемнің қайталанбас, табиғи және ерекше сұлулығына назар аудару. Сондай-ақ бүгін косметологтар, косметика өндірушілері мен сатушылары, пластикалық хирургтар, модельдік бизнес қызметкерлері және жұмысы сұлулықтың қандай да бір түрімен байланысты барлық адам өзінің кәсіби мерекесін атап өтуде.
Егер осы салада жұмыс істейтін таныстарыңыз болса, мерекесімен құттықтап қойыңыз!
👋9 қыркүйек — Халықаралық судоку күні. Ойжұмбақ – ми мен ақыл-ой қабілетін жаттықтыруға арналған танымал демалыс түрі. Ал судоку зейінді арттырады. Сондықтан егде жастағы адамдарға кәрілік уақытында туындайтын әртүрлі аурудан, соның ішінде альцгеймерден алдын алу үшін ұсынылып жатады. Бүгінгі таңда басқатырғыш тек баспа түрінде ғана емес, сонымен қатар смартфондарда да судоку ойнауға арналған қосымшалар бар. Тіпті оның құрметіне әлем чемпионаты да ұйымдастырылады.
👥9 қыркүйек — қазақтың атақты екі тұлғасының туған күні. 82 жыл бұрын тарихи романдар мен әңгімелердің авторы Дүкенбай Досжан (1942-2013) дүниеге келді. Шығармашылық жолында ол 11 роман, 24 повесть және 100-ден астам әңгіме жазды. Украин баспасы оның “Жібек жолы” кітабы үшін “Үздік тарихи роман” сыйлығын берді. Оның есімі Қазақ энциклопедиясында және АҚШ-тың “Әдебиет пен өнер адамдары” жинағында алтын әріптермен жазылған. Сондай-ақ бүгін жазушы, драматург, сценарист Әкім Әшімов 91 жасын атап өтеді. Әкім Тарази лақап атымен танымал Қазақстанның еңбек сіңірген қайраткері көптеген әңгіменің, романның, театрлық пьесалардың және киносценарийлердің авторы.
Сіз осы атақты жазушылардың қандай кітаптарын оқыдыңыз?
👥9 қыркүйекте танымал екі актер өмірге келді. Бүгін ағылшын актері Хью Грант 64 жасқа толды. Өнер иесі “Алтын глобус” пен BAFTA марапаттарының, сонымен қатар Волпи кубогының және құрметті Цезар сыйлығының иегері. “Бриджит Джонстың күнделігі”, “Шынайы махаббат”, “Ноттинг Хилл” және т.б. фильмдеріндегі рөлдерімен танымал. Сондай-ақ бүгін америкалық әзілкеш, актер, музыкант, сценарист және продюсер Адам Сэндлер 58 жасқа толды. Ол бала кезінен мектепте сайқымазақ ролін ойнап, сыныптастары мен мұғалімдеріне жиі қойылымдар қойды. Өнер иесі “Зоханмен қалжыңдаспаңыз”, “Ашуды басқару” және “Алғашқы 50 сүйісу” романтикалық комедияларындағы рөлдерімен танымал болды. 2022 жылы “НБА-ны бұзу” мотивациялық фильмі киносыншылардың жоғары бағасын алды, әсіресе, Сэндлердің рөлін жоғары бағалады.
Сізге қай актер ұнайды: Хью Грант немесе Адам Сэндлер?
#күнтізбе #9қыркүйек #сұлулық
