Кеш жарық, қыздар мен жігіттер!
Назарларыңа бүгінгі күннің ТОП-3 жаңалығын ұсынамыз! ✔️
1️⃣ АҚШ-та қазақстандық нөмірмен жүрген көлік рекордтық бағаға сатылды.
Америкада қазақстандық тіркеу нөмірімен жүрген Toyota Mega Cruiser аукцион арқылы сатылды. 1996 жылғы жол талғамайтын көлік жаңа Lexus LX-тен үш жарым есеге қымбат болып шықты.
Бұл туралы Motor.ru сайты хабарлады.
Сирек кездесетін көлік Астанада тіркелген. Мемлекеттік тіркеу нөмірінде «01» сериясы жазылған. Спидометрде 91 мың шақырымды көрсетіп тұр. Аукционға қатысқан сатып алушы ол үшін 310 мың долларды (148 миллионнан астам теңге) санап берді.
Toyota Mega Cruiser – жапон армиясы мен арнайы қызметтері үшін жасалған үлкен жол талғамайтын көлік. Оны 1995-2001 жылдары ішкі нарыққа шығарған. Сол кезде 150 данасы ғана жеке тұлғаларға сатылды. Ал Қазақстаннан жеткізілген көлік сән-салтанатымен жабдықталған үлгілерге жатады.
Керемет!😍🔥
2️⃣ БАӘ туристік визаларды ұзақ мерзімге бере бастады. Енді елде 30 емес, 60 күн мерзімге туристік визалар беріледі.
Енгізілген өзгерістер федералды сәйкестендіру, азаматтық, кедендік және порт қауіпсіздігі басқармасының (ICP) мәлімдемесіне сәйкес 3 қазанда күшіне енген «Біріккен Араб Әмірліктерінің (БАӘ) жетілдірілген визалық жүйесі» деп аталатын ауқымды реформалардың бөлігі болды.
«Біз клиентке 60 күндік қонақ визасын алғашқылардың бірі болып алдық. Қазіргі уақытта бұл үшін 500 дирхам аламыз», — деп түсіндірді Smart Travel туристік фирмасының басқарушы директоры Афи Ахмед.
Сен БАӘ-де болдың ба?😉
3️⃣ WhatsApp пайдаланушылар үшін бейне қоңырауларға сілтеме қосты.
WhatsApp әзірлеушілері жаңа мүмкіндік жасады. Енді пайдаланушылар кез келген адамға қоңырауға сілтеме жасап, жібере алады.
Әзірлеушілер қоңырауларды жоспарлау және оларға қосылу оңайырақ болғанын түсіндірді. Бұл туралы WhatsApp әзірлеушілері Twitter-дегі ресми парақшасында мәлімдеді.
26 қыркүйекте қазан айынан бастап WhatsApp кейбір iPhone телефондарында жұмысын тоқтататыны белгілі болды. Танымал мессенджер қолдау көрсетілетін операциялық жүйелердің тізімін жаңартады.
Сен жаңа функцияны пайдаландың ба?😯
