Бәріне сәлем!
Қыздар мен жігіттер, назарларыңа кезекті ТОП-3 жаңалықты ұсынамыз!✔️
1️⃣ eGov.kz порталын пайдаланушылар жүргізуші куәлігін енді жеңілдетілген жолмен ала алады.
Енді жүргізуші куәлігін ауыстырған кезде пайдаланушылар бұрын алынған жеке куәлігі мен паспортынан (3 жылдан аспайтын құжаттар) өз фотосын орнату мүмкіндігі пайда болды. Басты шарты фотосуреті пайдаланылатын құжатқа 3 жылдан аспауы керек.
Бұдан басқа азаматтарға ыңғайлы болу үшін дайын құжаттарды алуға болатын ХҚКО бөлімшелерінің тізімі кеңейтілді. Енді жүргізуші куәлігін тек мамандандырылған ХҚКО-да ғана алмайсыз. Онлайн-сұрау салу кезінде жүргізуші куәлігін қайта шығару 60 минутты, арнайы ХҚКО бөлімшелерінде – 120 минутты алады.
Қызметті үш рет басып алуға болады:
eGov.kz порталында авторизация жасаңыз және «Көлік және
Коммуникация» бөліміне өтіңіз;
қызметтер тізімінен «Жүргізуші куәлігін алу» тармағын таңдаңыз және барлық қажетті жолдарды толтырыңыз;
ЭЦҚ көмегімен қызметке қол қойыңыз.
Қызмет нәтижесімен Жеке кабинетте танысуға болады. Пайдаланушыға хабарлама қызметті алу тәсіліне қарай (онлайн немесе офлайн) 60 немесе 120 минуттың ішінде келеді.
Тамаша!😍
2️⃣ 1 қыркүйектен бастап 1,7 млн оқушы мектепте тегін тамақпен қамтылады.
Бұл туралы үкімет отырысында оқу-ағарту министрі Ғани Бейсембаев айтты.
Министр 2024-2025 оқу жылына дайындық барысы туралы баяндады.
«1 қыркүйектен бастап 1,7 млн қазақстандық оқушы мектепте тегін тамақпен қамтылады. Олардың қатарында 1-4 сынып оқушылары және әлеуметтік осал топ санатындағы отбасы балалары бар», — деді Бейсембаев.
Жаңа оқу жылында барлығы 7,9 мың білім беру ұйымында 3,9 млн оқушы үшін сабақ басталады, оның ішінде 360 мың бала мектеп табалдырығын алғаш рет аттайды.
Министрліктің баспасөз қызметінің мәліметінше бүгінгі таңда мектептердің 90%-ы оқулықпен қамтылды.
Сондай-ақ әлеуметтік осал санаттағы оқушыларды қолдау шаралары да жалғасуда. Балаларды оқу құралдарымен және қажетті тауарлармен қамтамасыз ету мақсатында Жалпыға бірдей білім беру қоры аясында 22,6 млрд теңге қаражат бөлінді. Ол 510 мың баланы мектепке дайындауға жұмсалады.
Олардың қатарында 1-4 сынып оқушылары және әлеуметтік осал топ санатындағы отбасы балалары бар екен👍
3️⃣ Әкімдіктер талапкерлерге 2,5 мыңға жуық грант бөлді.
«Әкімдіктер жыл сайын басым мамандықтар бойынша нысаналы даярлыққа гранттар бөледі. Биыл жергілікті атқарушы органдар 2475 білім беру гранттарын бөлді», — деп жазылған хабарламада.
Білім беру грантын тағайындау конкурсына қатысу үшін үміткер жоғары оқу орындарының қабылдау комиссиясына өтініш беру қажет. Сондай-ақ ЖОО-ға білімі туралы құжат, ҰБТ сертификатын, жеке басын куәландыратын құжаттың көшірмесін, жеңілдік санатын растайтын құжаттарды (бар болған жағдайда) тапсырады.
Құжаттарды қабылдау мерзімі туралы ақпаратты әкімдіктерден, сондай-ақ жоғары оқу орындарының қабылдау комиссияларынан алуға болады.
Грант беру туралы шешімді әкімдік жанынан құрылған арнайы комиссия қабылдайды. Жоғары оқу орындарына қабылдау 25 тамызда аяқталады.
Грант иегерлерін құттықтаймыз!🔥
