Кеш жарық, қыздар мен жігіттер!
Назарларыңа бүгінгі күннің ТОП-3 жаңалығын ұсынамыз✅
1️⃣ Әртістік жүзуден әлем кубогінде Қазақстан қола жүлдеге қол жеткізді.
Әртістік жүзуден Венгрияның Будапешт қаласында өтіп жатқан әлем кубогінің финалында Қазақстан қоржыны күміс жүлдемен толықты.
Аралас жұптық сында Эдуард Ким мен Наргиза Болатова жұбы күміс медаль еншіледі. Олар 139.7150 ұпай жинаған.
Алтын медаль Испания, қола жүлде Италия спортшыларына бұйырды.
Айта кетейік, Ким мен Болатова жұбы биылғы маусымдағы кубоктік кезеңдерде бірнеше рет жүлдеге ілігіп, әлем чемпионатында топ жарған еді.
Құтты болсын!😍
2️⃣ Қазақстанда ҰБТ өткізу ережелері өзгерді.
Ғылым және жоғары білім министрінің м. а. 2024 жылғы 28 маусымдағы бұйрығымен Ұлттық бірыңғай тестілеуді өткізу қағидаларына өзгерістер мен толықтырулар енгізілді.
Құжатта Шығармашылық дайындықты талап ететін білім беру бағдарламалары топтарының түсушілерін қоспағанда, түсушілер Қазақстан тарихы, математикалық сауаттылық, оқу сауаттылығы (оқу тілі) және екі бейіндік пән бойынша ҰБТ тапсыратыны белгіленген.
Қысқартылған оқу мерзімдерін көздейтін білім беру бағдарламалары топтары бойынша даярлаудың ұқсас бағыттарына түсушілерді қоспағанда, Қазақстан Республикасының азаматы болып табылмайтын ұлты қазақ адамдар Оқу сауаттылығы (оқу тілі) және екі бейіндік пән бойынша ҰБТ тапсырады.
Шығармашылық дайындықты талап ететін білім беру бағдарламалары топтарына түсуші адамдар Қазақстан тарихы және оқу сауаттылығы (оқу тілі) бойынша ҰБТ тапсырады.
Шығармашылық дайындықты талап ететін білім беру бағдарламалары топтарына түсуші Қазақстан Республикасының азаматы болып табылмайтын ұлты қазақ адамдар Оқу сауаттылығы (оқу тілі) бойынша ҰБТ тапсырады.
Шығармашылық даярлықты талап ететін білім беру бағдарламалары тобына түсушілерді қоспағанда, қысқартылған оқу мерзімдерін көздейтін білім беру бағдарламалары бойынша даярлаудың ұқсас бағыттарына түсетін адамдар, оның ішінде Қазақстан Республикасының азаматы болып табылмайтын ұлты қазақ адамдар ҰБТ-ді жалпы кәсіптік және арнайы пәндер бойынша тапсырады.
Шығармашылық дайындықты талап ететін, қысқартылған оқыту мерзімдерін көздейтін білім беру бағдарламаларының ұқсас бағыттарына оқуға түсуші адамдар, оның ішінде Қазақстан Республикасының азаматы болып табылмайтын ұлты қазақ адамдар үшін ҰБТ арнайы пән бойынша өткізіледі.
«Педагогикалық ғылымдар» білім беру саласы бойынша білім беру бағдарламалары тобына ауысатындарды қоспағанда, шығармашылық дайындықты талап ететін білім беру бағдарламалары тобы бойынша білім алушы және басқа білім беру бағдарламалары тобына ауысуға ниет білдірген тұлғалар екі бейіндік бойынша ҰБТ тапсырады.
Шығармашылық дайындықты талап ететін білім беру бағдарламалары топтарынан ауысатындарды қоспағанда, басқа білім беру бағдарламалары тобы бойынша білім алушы және «Педагогикалық ғылымдар» білім беру саласы бойынша білім беру бағдарламалары тобына ауысуға ниет білдірген тұлғалар Қазақстан тарихы, математикалық сауаттылық, оқу сауаттылығы (оқу тілі) және екі бейіндік пән бойынша ҰБТ тапсырады.
Қысқартылған оқыту мерзімдерін көздейтін білім беру бағдарламаларының ұқсас бағыттарына оқуға түсушілерді қоспағанда, орта, техникалық және кәсіптік немесе орта білімнен кейінгі білім беру ұйымдарының бітірушілері үшін ҰБТ тест тапсырмаларының саны:
* Қазақстан тарихы бойынша – 20;
* математикалық сауаттылық бойынша – 10;
* оқу сауаттылығы (оқу тілі) бойынша – 10;
* бірінші бейіндік пән бойынша – 40;
* екінші бейіндік пән бойынша – 40.
Қысқартылған оқу мерзімдерін көздейтін білім беру бағдарламалары топтары бойынша даярлаудың ұқсас бағыттарына түсетін адамдарды қоспағанда, Қазақстан Республикасының азаматы болып табылмайтын ұлты қазақ адамдар үшін ҰБТ тест тапсырмаларының саны:
* оқу сауаттылығы (оқу тілі) бойынша – 10;
* бірінші бейіндік пән бойынша – 40;
* екінші бейіндік пән бойынша – 40.
Қысқартылған оқу мерзімдерін көздейтін білім беру бағдарламалары топтары бойынша даярлаудың ұқсас бағыттарына түсетін адамдарды қоспағанда, шығармашылық даярлықты талап ететін білім беру бағдарламалары тобына түсуші Қазақстан Республикасының азаматы болып табылмайтын ұлты қазақ адамдар үшін Оқу сауаттылығы (оқу тілі) бойынша ҰБТ тест тапсырмаларының саны – 10.
Ұлттық бірыңғай тестілеудің бейіндік пәндері көрсетілген білім беру бағдарламалары топтарының тізбесі осы Қағидаларға 1-қосымшаға сәйкес белгіленген.
Шығармашылық дайындықты талап ететін білім беру бағдарламалары тобы бойынша білім алушы және басқа білім беру бағдарламалары тобына ақылы негізде ауысуға ниет білдірген тұлғалар үшін ҰБТ тест тапсырмаларының саны:
* бірінші бейіндік пән бойынша – 40;
* екінші бейіндік пән бойынша
* – 40.
Қазақ тілін В1 (орта) деңгейден төмен емес меңгергенін растайтын ҚАЗТЕСТ сертификаты бар тұлғалар қалауы бойынша ҰБТ-ның «Қазақ тілі» бейіндік пәнінен немесе арнайы пәнінен тест тапсырудан босатылады және Үлгілік қағидалардың 4-2 тармағына және 2-2-қосымшасында белгіленген балдарды ауыстыру шкаласына сәйкес білім беру грантын тағайындау конкурсына қатыса алады және (немесе) ЖЖОКБҰ-ға ақылы негізде оқуға қабылдана алады.
«Назарбаев Зияткерлік мектептері» дербес білім беру ұйымының білім беру бағдарламалары бойынша оқуларын аяқтаған бітірушілерге ҰБТ сертификаттары Үлгілік қағидалардың 4-3-тармағына және «Назарбаев Зияткерлік мектептері» дербес білім беру ұйымы бітірушілерінің оқудағы нәтижелерінің сырттай бағалау балдарын ҰБТ балдарына ауыстыру шкаласы 2-3-қосымшаға сәйкес оқу нәтижелерінің сырттай бағалау балдарын ҰБТ-ның балдарына ауыстыру негізінде беріледі.
Ескере жүріңіздер📌
3️⃣ Дүниежүзілік көшпенділер ойындары кезінде қазақ ауылы құрылады.
V Дүниежүзілік көшпенділер ойындарының дирекциясы Астанадағы этноауылда 7 күн бойы ұлан-асыр той болатынын мәлімдеді, деп хабарлайды Uidezhatpa.Kz Sputnik.kz-ке сілтеп.
Дирекция басшысы Наиль Нуровтың айтуынша, «Қазанат» ипподромы жанынан үлкен этноауыл ашылады. Оған әрбір облыс пен республикалық маңызы бар қала өз керуенін жібереді. Олар этноауылда кем дегенде үш киіз үй тігеді. Үздік аспашылар, қолөнершілер мен өнерпаздар да келеді.
«Осылайша, V Дүниежүзілік көшпенділер ойындары өтетін 7 күн бойы ұлан-асыр мәдени той болады. Қонақтар қазақ халқының төл мәдениетімен жақын таныса алады. Сол сияқты өзіміздің отандастарымыз үшін этноауылда басқа елдердің ұлттық өнері мен мәдениетін көруге мүмкіндік болады. Себебі ойындарға қатысушы әрбір мемлекет ол жерге өз этножобасын алып келеді», — дейді Нуров.
Спортшыларға табысталатын алғашқы медальдар да басылды. Ойындар дирекциясы бүгін оны шетелдік дипломаттар мен ШЫҰ-да тіркелген журналистерге көрсетті.
Керемет🔥
