Бәріне сәлем!
Қыздар мен жігіттер, назарларыңа кезекті ТОП-3 жаңалықты ұсынамыз!✔️
1️⃣ 2025 жылы қазақстандықтарға арналған мереке күндерінің кестесі ұсынылды
Қаңтар айында бес күн жұмыс істейтіндер үшін
* 30 және 31 желтоқсан (дүйсенбі, сейсенбі) — жұмыс күндері;
* 1, 2 қаңтар (сәрсенбі, бейсенбі) — демалыс, Жаңа жыл;
* 3 қаңтар (жұма) — жұмыс күні;
* 4,5 қаңтар (сенбі, жексенбі) — демалыс күндері;
* 6 қаңтар (дүйсенбі) — жұмыс күні;
* 7 қаңтар (сейсенбі) — демалыс, Рождество.
Алты күн жұмыс істейтіндер үшін
* 30 және 31 желтоқсан (дүйсенбі, сейсенбі) — жұмыс күндері;
* 1, 2 қаңтар (сәрсенбі, бейсенбі) — демалыс, Жаңа жыл;
* 3, 4 қаңтар (жұма, сенбі) — жұмыс күні;
* 5 қаңтар (жексенбі) — демалыс;
* 6 қаңтар (дүйсенбі) — жұмыс күні;
* 7 қаңтар (сейсенбі) — демалыс, Рождество
Осындай жағдай мамырда да күтіледі. Бейсенбі, 1 мамыр демалыс күні; жұма, 2 мамыр жұмыс күні болуы керек, ал 3-4 мамыр сенбі-жексенбіге сәйкес келеді. 5-6 мамыр — жұмыс күндері, 7 мамыр — Отан қорғаушылар күні, 8 мамыр — жұмыс күні, 9 мамыр — Жеңіс күні.
Еңбек және халықты әлеуметтік қорғау министрлігі өкілдері қазір 2025 жылғы демалыс күндерін ауыстыру туралы бұйрықтың жобасы әзірленіп жатқанын айтты.
Еңбек кодексінің 85-бабына сәйкес мереке күндері, сондай-ақ, кодекстің 84-бабының 5-тармағында көзделген демалыс күндері жұмыс уақытын ұтымды пайдалану мақсатында еңбек жөніндегі уәкілетті орган демалыс күндерін басқа жұмыс күндеріне ауыстыруға құқылы. Сондықтан қазір министрлік 2025 жылғы демалыс күндерін ауыстыру туралы бұйрықтың жобасын әзірлеп жатыр. Ол министрліктің сайтында және ашық нормативтік құқықтық актілердің интернет порталында талқылау үшін жарияланады, — деп жазылған хабарламада.
Алайда министрлік демалыс күндерін нақты қалай ауыстыруды жоспарлап отырғаны әлі белгісіз.
Демалыс күндерін қарап шықтыңыз ба?😍
2️⃣ Қазақстанның екі боксшысы U19 әлем чемпионатының финалына шықты
Жартылай финалда Асылхан Көшербай (65 келі) мен Даниял Райымбеков (85 келі) жеңіске жетті.
Финалда Көшербай Купер МакКонеллмен (Аустралия) шаршы алаңға шығады. Ал Райымбеков Дэниел Питтпен (Уэльс) кездеседі.
Айта кетелік, аталған әлем чемпионаты тарихта тұңғыш рет World Boxing Федерациясының аясында өткізіліп жатыр.
Тамаша!👍
3️⃣ “Қайрат” жастар футбол командасы Қытайдағы халқаралық турнирдің жеңімпазы атанды
Қытайдың Сиань қаласында өткен халықаралық турнирде алматылық “Қайрат” жастар футбол командасы жеңімпаз атанды. “Chinanews” сайтының мәліметіне сәйкес, турнирде 5 елден келген 14 жасқа дейінгі 8 команда күш сынасты. “Қайрат” (U14) командасы топтық кезеңде 2 жеңіс және 1 жеңіліс нәтижесінде 6 ұпай жинап, өз тобынан екінші орынмен плей-оффқа шықты.
Жартылай финалда алматылықтар А тобының жеңімпазы – Өзбекстан командасын 2:1 есебімен тізе бүктірді. Финалда “Қайрат” қытайлық “Шэньчжэнь” жастар командасымен кездесіп, негізгі ойын 2:2 есебімен аяқталды. Пенальти сериясында “Қайрат” 5:3 есебімен жеңіске жетіп, турнирдің бас жүлдесін иеленді.
Жеңіс құтты болсын!🔥
