Бәріне сәлем!
Қыздар мен жігіттер, назарларыңа кезекті ТОП-3 жаңалықты ұсынамыз!✔️
1️⃣Қазақстандық “Бауырына салу” фильмі “Оскарға” ұсынылды
Туынды Алматыда “Тұлпар”IV ұлттық байқауында “Үздік фильм” номинациясы бойынша жеңімпаз атанды.
Байқау шартына сәйкес, Асхат Кучинчирековтың фильмі “Оскар” сыйлығына International Feature Film номинациясы бойынша ұсынылады.
Аталмыш туындыда кезінде әжесінің бауырына салынып, содан әке-шешесі үшін бөтенге айналған баланың жан күйзелісі баяндалады.
Тамаша! Ал сіз фильмді тамашаладыңыз ба? 🤔
2️⃣ Головкин Халықаралық бокс федерациясының Олимпиадалық комиссиясының төрағасы болды
Жұмыс барысында Қазақстан ҰОК басшысы World Boxing қызметінің ашықтығын қамтамасыз ету мәселелеріне қатысты халықаралық спорттық ұйымдармен бірлесе жұмыс істеуге көңіл бөледі. Сонымен қатар, оның комиссия басшысы ретіндегі басты міндеттерінің бірі — боксты Олимпиада ойындарының бағдарламасында қалдырып, World Boxing ұйымын ХОК мойындауы үшін Халықаралық Олимпиада комитетімен тығыз әріптестік орнату болмақ.
«Жеке өзім үшін, Қазақстан үшін және барша спорт әлемі үшін боксты олимпиадалық спорт түрі ретінде сақтап қалу маңызды және бұл менің жұмысымдағы ең басты басымдық болмақ.Сондай-ақ, бокс олимпиадалық құндылықтарға сай, әділ әрі ашық болуы үшін Халықаралық Олимпиада комитетімен тығыз әріптестік орнатуды көздеп отырмын.Менің кәсіби спортшы ретінде жиған тәжірибем World Boxing жұмысын бір жүйеге келтіреріне сенемін және күшімізді біріктіре отырып, бокстың дамуына жаңа серпін бере аламыз. Бірақ алда біз атқаратын жұмыс көп», — деп атап өтті Геннадий Головкин.
World Boxing президенті Борис ван дер Ворсттың айтуынша, Геннадий Головкинмен әріптестік орнату ұйымның алға қойған мақсаттарын тиімді орындауға жол ашады.
«Олимпиадалық бокста да, кәсіби бокста да сәтті өнер көрсеткен адам ретінде ол боксты олимпиадалық қозғалыста қалдырудың бұл спорт түрінің әрі қарай дамуы үшін аса маңызды екенін жақсы түсінеді. Бұл әуесқой бокс үшін де, кәсіби бокс үшін де қажет. Боксты олимпиадалық спорт түрлері қатарында қалдырып, аталған спорт түрін дамытудағы ортақ миссияларымызды орындау үшін онымен бірлесе жұмыс істейтін мүмкіндікті асыға күтемін», — деп пікір білдірді Борис ван дер Ворст.
Құтты болсын!🔥
3️⃣ Қазақстанда әскери медицина академиясы ашылады
Қорғаныс министрлігі әскери медицина академиясын ашуды жоспарлап отыр. Қарулы күштердің Бас әскери-медициналық басқармасы бейінді жоғары оқу орнын құру жобасын дайындады.
Қазіргі уақытта әскери дәрігерлерді Ақтөбе қаласындағы Әуе қорғанысы күштерінің әскери институты базасында Марат Оспанов атындағы Батыс Қазақстан медицина университетімен бірлесіп дайындайды. Ал жоғары оқу орнынан кейінгі медициналық білім беру бағдарламасы бойынша әскери-медициналық кадрларды дайындау «Астана» медициналық университетімен академиялық ұтқырлық шеңберінде Ұлттық қорғаныс университетінің әскери медицина кафедрасының базасында жүзеге асырылады.
Ал жаңа білім беру мекемесі Алматы қаласындағы Қорғаныс министрлігінің Әскери медицина орталығы базасында құрылмақ.
Бұл ұсынысты қолдайтындар көп шығар👍
