Кеш жарық, қыздар мен жігіттер!
Назарларыңа бүгінгі күннің ТОП-3 жаңалығын ұсынамыз✅
1️⃣ Алматылықтарға тауда от жаққаны үшін айыппұл салынады.
«Алматы тауларында өрт қаупінің IV класы жарияланды, сондықтан тауларда от жағуға тыйым салынады, МҰТП аумағында өрт қауіпсіздігі ережелерін бұзғаны үшін айыппұл шамамен 370 мың теңге болады», — делінген хабарламада.
Синоптиктердің болжамына сәйкес, 29 шілдеде Алматыда жауын-шашынсыз ауыспалы бұлтты болады. Жел оңтүстік-батыстан соғады, екпіні секундына 3-8 метр . Ауа температурасы түнде 23-25, күндіз қатты ыстық 36-38 градус.
Ескере жүріңіздер!📌
2️⃣ Қазақстандықтар тамыз айында алты күн демалады.
Бұл айда тек бір мемлекеттік мереке аталып өтеді — 30 тамызда Конституция күні тойланады.
2024 жылы Конституция күні жұмаға түседі, сәйкесінше, бұл күн демалыс болып саналады.
Осылайша:
Аптасына бес күн жұмыс істейтіндер 30, 31 тамыз және 1 қыркүйекте демалады. Жалпы, сенбі-жексенбі күндерін есепке алғанда (1 қыркүйекпен бірге) 11 күн демалады.
Алты күндік жұмыс кестесі бойынша еңбектенетіндер үшін 30 тамыз демалыс, 31 тамыз жұмыс күні, 1 қыркүйек демалыс болады. Жалпы, бұл айда 6 күн демалады.
Бұл айда басқа да кәсіби мерекелер бар екен👍
3️⃣ Ақтөбелік кәсіпкер Елдос Сметовке асыл тұқымды 100 жылқы сыйлады.
Ақтөбелік кәсіпкер Әнуар Маханов Олимпиада чемпионына бір табын жылқы дайындап қойғанын мәлімдеді.
Әлеуметтік желіде асыл тұқымды жылқы асыраумен айналысатын Әнуар Махановтың Олимпиада чемпионына 100 бас жылқы сыйлағаны жайында ақпарат тарады. Кәсіпкер Sputnik Қазақстан тілшісіне ол мәліметті растады.
«Иә, рас. Елдоспен өзім сөйлесіп, 100 жылқы атадым», — дейді Маханов.
Оның айтуынша, жылқылардың бәрі асыл тұқымды. Біреуінің бағасы – 750 мың теңге. Ал тұқымы – қазақы жабы.
Қазақтың жабысы көбінесе оңтүстік-батыс және оңтүстік-шығыста өсіріледі. Денесі ірі, мойны қысқа, омыраулы, кеудесі кең, жоны жалпақ сауырлы, құйрық-жалы қалың әрі ұзын, денесі тығыз, етті болады. Салт мінуге де, жегуге де ыңғайлы. Алыс жолға төзімді.
Жайылымда жүргеннің өзінде әр биеден тәулігіне 11 — 15 л сүт саууға болады. Жайылымда семірген жабыдан 230 — 250 кг таза ет түседі.
Айта кетейік, Елдос Сметов Парижде чемпиондық атаққа қол жеткізіп, ел тарихында дзюдодан алтын медаль алған бірінші спортшы атанды.
Мәрттік танытыпты🔥
