Кеш жарық, қыздар мен жігіттер!
Назарларыңа бүгінгі күннің ТОП-3 жаңалығын ұсынамыз✅
1️⃣ Париж Олимпиадасы: Қазақстан құрамасы доданы 7 медальмен қорытындылап, 43 орынға тұрақтады
Салтанатты шара «Стад де Франс» стадионында өтті. Ойындардың төрт дүркін жеңімпазы Леон Маршан алауды жағып, «Стад де Франсқа» қарай бет алды.
Ел қоржынына жалғыз «алтынды» Елдос Сметов салды. 2016 жылы Рио Олимпиадасында – күміс, 2021 жылы Токиода қола алған отандасымыз Парижде Олимп шыңын бағындырды.
Гимнаст Нариман Құрбанов, палуан Демеу Жадыраев (77 кг) және боксшы Нұрбек Оралбай (80 кг) Олимпиаданың күміс жүлдесін олжалады. Грек-рим күресінің палуаны Демеу Жадыраев Олимпия ойындары тарихында араға 20 жыл салып осы спорт түрінен финалда белдесті. Ал Нариман Қазақстан гимнастика тарихында Олимпиадада медаль алған тұңғыш спортшы атағына ие болды. Нұрбек Оралбай бокстан Олимпиада тарихындағы 26-шы жүлдені ел қоржынына салды.
Ал Ислам Сәтпаев пен Александр Ле (нысана көздеуден аралас жұптық сын), дзюдошы Ғұсман Қырғызбаев (66 кг) және боксшы Назым Қызайбай (50 кг) Париж Олимпиадасының қола жүлдегері атанды.
Париж Олимпиадасында Қазақстан құрамасының 78 атлеті 25 спорт түрінен сынға түсті. Соның ішінде 54-і алғаш рет Олимпиадаға қатысты.
Жүлделі орын алған спортшыларымызды тағы да құттықтаймыз!👏🏻
2️⃣ Алматыда 15-18 тамыз аралығында өрт сөндіру-құтқару спорты бойынша әлем чемпионаты өтеді.
“Қазақстандық өрт сөндірушілер мен құтқарушылардың спорт федерациясы” ҚБ бас маманы Еркежан Төлеген спорттың осы түрінен халықаралық жарыстарды ұйымдастыруда еліміздің мол тәжірибесі бар екенін айтты.
“2014 және 2021 жылдары біз ерлер мен әйелдер арасында әлем чемпионаттарын өткіздік. 2018 жылы Алматы қаласында ерлер мен әйелдер арасында халықаралық жарыстар өтті. Енді алғаш рет Алматы қаласында жасөспірімдер ұлдар мен қыздар арасында әлем чемпионатын өткізетін боламыз”, — деді ол.
Чемпионат төрт бағыт бойынша өткізіледі. Олардың екеуі жеке біріншілік болса, екеуі командалық сайыс. Халықаралық жарыстың ашылу салтанаты 15 тамызда сағат 19.00-де Орталық стадионда өтеді.
Халықаралық жарысқа 6 елдің құтқарушылары қатыспақ🔥
3️⃣ Білім күні қарсаңында елімізде «Үздік педагог» байқауы басталды.
Байқауға мектепке дейінгі, орта, техникалық және кәсіптік білім беру ұйымдарының педагогтері қатыса алады.
Конкурс үш кезеңнен тұрады:
I кезең – аудандық, қалалық деңгей (8-21 тамыз);
II кезең – облыстық деңгей (22 тамыз- 10 қыркүйек);
III кезең – республикалық деңгей (11 қыркүйек – 18 қазан).
Екі кезеңнің қорытындысы бойынша ең жоғары ұпай жинаған педагогтер республикалық деңгейге өтеді.
Байқауға қатысуға өтінімдер uzdikustaz-nobd.edu.kz веб-порталында қабылданады.
«Үздік педагог» республикалық конкурсы 2012 жылдан бері өткізіліп келе жатыр. Осы уақытқа дейін 700-ге жуық жүзден жүйрік, мыңнан тұлпар атанған мықтылар анықталды.
«Үздік педагог» атағына білім беру ұйымдарында жұмыс істейтін және құжаттарды тапсыру кезінде кемінде бес жыл үздіксіз педагогикалық өтілі бар педагогтер үміткер бола алады. Бұл — балабақша, мектеп, колледж мұғалімдері. Байқау аясында мұғалімнің білім саласын дамытуға қосқан үлесі, ұстаз қызметінің тиімділігі мен оның кәсіби шеберлігі ескеріледі», — деді Оқу-ағарту министрлігі Орта білім беру комитетінің төрағасы Қаныбек Жұмашев.
Айта кетері, «Үздік педагог» атағының иегерлеріне 1 мың АЕК көлеміндегі ақшалай сыйақы ғана емес, төсбелгілер де беріледі.
Бақтарыңызды сынап көріңіздер!👍
