Бәріне сәлем!
Қыздар мен жігіттер, назарларыңа кезекті ТОП-3 жаңалықты ұсынамыз!✔️
1️⃣ Париж Олимпиадасы-2024: Қазақстан медаль саны бойынша 28-ші орында тұр.
Ел қоржынында бір алтын, үш күміс және үш қола бар.
Айта кетейік, Елдос Сметов дзюдодан алтын еншілеп, ел тарихындағы тұңғыш Олимпиада чемпионы атанды.
60 келі салмақта белдескен Қазақстан спортшысы финалда кілем қожайыны франциялық Лука Мхелидзені жеңіп, спорттық мансабындағы үшінші Олимпиадасында алтын жүлдеге қол жеткізді. Айта кетейік, осыған дейін Елдос Сметов 2016 жылы күміс, 2020 жылы қола жүлде еншілеген еді. Айта кетейік, бұл − Париж Олимпиадасындағы Қазақстан қоржынындағы алғашқы алтын жүлде.
Ал қазақстандық гимнаст Нариман Құрбанов тұтқалы ат жаттығуында күміс жүлдеге ие болды. Ол жаттығуы үшін 15, 433 ұпай алды.
Бокстан Қазақстан командасының мүшесі Нұрбек Оралбай Париж Олимпиадасының күміс медалін иеленді.
Ерлер арасында 80 келі салмақта финалда жұдырықтасқан Оралбай финалда украиналық Александр Хижнякқа есе жіберді.
Демеу Жадыраев грек-рим күресінен Париж Олимпиадасының күміс жүлдегері атанды.
77 келіге дейінгі салмақта сынға түскен Демеу финалда жапондық Нао Куссакиге есе жіберді.
Қазақстан командасының мүшесі Назым Қызайбай ел қоржынына қола медаль салды.
50 келі салмақта сынға түскен Қызайбай жартылай финалда бокстан әлем және Азия ойындарының чемпионы, қытайлық Ву Юге есе жіберді.
Қазақстандық дзюдошы Ғұсман Қырғызбаев Париж Олимпиадасының қолажүлдегері атанды. 66 келі салмақта белдескен Ғұсман кіші финалда сербиялық Страхинья Бунчичті “ваззари” ұпайымен жеңді.
Париж Олимпиадасының алғашқы күнінде 10 метрге нысана көздеуден аралас командалық сында Ислам Сәтпаев пен Александра Ле қола медаль жеңіп алды.
Бүгін 13-жарыс күні өтіп жатыр. Ел қоржынында 7 медаль бар!👍
2️⃣ 9 тамыз күні Алматыда “Жастар” күніне орай “OPEN AIR” жастар фестивалі ұйымдастырылады.
“OPEN AIR” Халықаралық Жастар күніне орай “Жастармен бірге” ұлттық жастар онкүндігін өткізу аясында өткізіледі.
Сіз де музыка мен қуанышқа әрі жастар рухына толы ұмытылмас үлкен мерекеде төбе көрсете аласыз. Фестиваль аясында жас әртістердің қойылымдары мен шығармашылық шеберлік сыныптары және тағы да басқа қызықты ойын-сауық түрлері болады. Бұл достарыңызбен уақыт өткізуге, жаңа таныстықтар табуға және жағымды күш-қуат алуға тамаша мүмкіндік.
Олай болса, жарқын іс-шараны жіберіп алмаңыз! Барша қала жастарын айтулы мерекеде халықаралық жастар күнін бірге атап өтуге шақырамыз!
Күні: 9 тамыз 2024 жыл
Уақыты: 19:00
Өтетін орны: Көк-Төбе
Көк-Төбеде өтеді екен. Рухани сергіп қайтыңыздар!😍
3️⃣ Күзде Қазақстанда пойыз билеті 20 пайызға қымбаттайды.
Бұл туралы «31 арна» хабарлады.
Жаңа тариф 1 қазаннан бастап күшіне енеді. Бағасы көтерілген билет бұл күнге 45 күн қалғанда – тамыз айының ортасынан бастап сатыла бастайды.
Көлік министрлігі баспасөз қызметі бүгінде елімізде 14 теміржол тасымалдаушысы жұмыс істейтінін және жолаушылар пойызы 140 бағытта қатынайтынын айтты. Оның 62-сінде тариф көтеріледі.
Шенеуніктердің пайымдауынша, билет құнының өсуі қызмет көрсету сапасына тікелей әсер етеді, өйткені соңғы 10 жылда инфляция деңгейіне индекстеу шараларын қоспағанда, әлеуметтік маңызы бар салалардың тарифі бірде-бір рет өзгермеген.
«Пойыздарда көрсетілетін қызметтердің сапасын арттыру, сонымен қатар теміржолшылардың жалақысын көтеру жоспарланып отыр. Қазір біздің елде осы бағыттарда 2667 вагон жүреді, тозу деңгейі өте жоғары – 44%», — деп түсіндірді Көлік министрлігінің ресми өкілі Ләззат Стамғазиева.
«Тальгоның» бағасы шамамен 19 493 теңге, стандартты пойыздарда купе құны 19 653 теңге, плацкартта 12 871 теңге болады. Қала маңындағы пойыздарға билет құны 6 314 теңгені құрайды.
Ұлттық тасымалдаушы кондиционері жоқ вагондарға сатылатын билеттерге 20%-ға дейін жеңілдік береді.
Құлаққағыс!📌
