Бәріне сәлем!
Қыздар мен жігіттер, назарларыңа кезекті ТОП-3 жаңалықты ұсынамыз!✔️
1️⃣ Қазақстанның бас прокуратурасы балаларға зиян келтіретін 15 мың сайт пен сілтемені бұғаттап тастады
Қазақстанның бас прокуроры Берік Асылов балалардың өзіне-өзі қол жұмсау мәселесіне қатысты мәлімдеме жасады.
Қадағаушы органның басшысы әлеуметтік желідегі парақшасында балалардың өзіне-өзі қол жұмсау толқыны қоғамда резонанс тудырғанын ерекеш атап өтті.
«Прокурорларға әр факт бойынша тергеуді ерекше бақылауды тапсырдым. Мемлекеттік органдармен суицидтің алдын алу бойынша шұғыл шаралар кешенін әзірлейтін боламыз» – деп жазды Асылов.
Оның айтуынша, прокурорлар 15 мың зиян сайт пен сілтемені бұғаттап тастады. Сондай-ақ, қазіргі кезде қиын тұрмыстық жағдайдағы отбасылармен жұмыс жүргізіліп жатыр.
Дер кезінде қабылданған шара болып жатыр📌
2️⃣ Елімізде ең қарт адам, Ұлытау облысының тұрғыны — 114 жастағы Түймегүл Темірбаева
Бұл туралы Jibek Joly телеарнасы хабарлайды.
Елімізде 100 жастан асқан 423 адам бар. Олардың дені Түркістан облысында тұрады. Бұл өңірде бір ғасыр жасаған 64 қария өмір сүріп жатыр. Ал, тізімде екінші болып Алматы қаласы тұр, шаһарда 48 адам тіркелген. Егде жастағы кісілердің саны бойынша үшінші орында Алматы облысы, өңірдің 38 тұрғыны 100 жастан асқан.
Айта кетсек, еліміз бойынша қариялардың ең үлкені – 114 жастағы Түймегүл Темірбаева. Ол Ұлытау облысында тұрады. Одан соң 112 жастағы Павлодар облысының тұрғыны Күлжамия Ахмедьянова және 110 жастағы Түркістан облысының тұрғыны Унгай Бегбаева.
“Отанымыз тыныш болсын, денсаулығымыз мықты болсын. Халқымыз аман, бірлігіміз бүтін болсын”, — деп батасын берді 114 жасқа келген Түймегүл Темірбаева.
Қарттарымыз ғұмырлы болсын!🤲🏻
3️⃣ Бүгін UEFA Чемпиондар лигасының екінші туры басталады
Аталған турнирде биыл алғаш рет 36 команда бақ сынап жатыр.
Алдымен 21.35-те Германияның “Штутгарт” командасы өз алаңында Чехияның “Спарта Прага” клубымен шеберлік байқасады. Артынша 23:50-де “Арсенал” (Англия) мен ПСЖ (Франция) жасыл алаңға шығады. Аталған ойындар “Qazsport” телеарнасынан тікелей эфирде көрсетіледі.
Екінші турдың алғашқы ойын күнінде «Ред Булл Зальцбург» (Австрия) пен «Брест» (Франция), «Байер» (Германия) мен «Милан» (Италия), «Боруссия Дортмунд» (Германия) пен «Селтик» (Шотландия), «Барселона» (Испания) мен «Янг Бойз» (Швейцария), «Интер» (Италия) мен «Црвена Звезда» (Сербия), ПСВ (Нидерланд) мен «Спортинг Лиссабон» (Португалия), «Слован Братислава» (Словакия) мен «Манчестер Сити» (Англия) ойнайды.
Ойын 21:35-те басталады екен🔥
