Бәріне сәлем!
Қыздар мен жігіттер, назарларыңа кезекті ТОП-3 жаңалықты ұсынамыз!✔️
1️⃣ 2024 жылдың 26 желтоқсанында атышулы «Кальмар ойыны” сериалының екінші маусымы жарыққа шығады.
“Бірінші маусымның соңында кек алуды көздеген Сон Ки Хун әуежайда қоңырау шалған адамды табуға уәде беріп, ойынға қайта оралады”, — деді режиссер.
Айтуларынша, екінші маусым 2024 жылы қысқа тизермен шығады. Ал үшінші маусымы 2025 жылы ұсынылады.
Күтіп жүргендер бар ма?😉
2️⃣ Алматыда 3 тамыздан бастап қоғамдық көлікте жол жүру ақысы 120 теңге болады.
Қауіпсіздікті арттыру үшін қолма-қол ақшамен төлеу алынып тасталады, жүргізуші ақша жинауға алаңдамайтын болады.
Жолаушылардың 97%-дан астамы қолма-қол ақшасыз төлем жасайды.
Төлем әдістері:
– Көлік картасы («Onay» филиалында және 115 пунктте қолжетімді).
– Ұялы телефоннан SMS жіберу арқылы.
– Мобильді қосымша (ағылшын тілінде интерфейсі бар).
Жүргізушілердің заң бұзуын тіркеу үшін бірыңғай бақылау қызметін құру туралы мәселе қарастырылуда.
Жол жүру билеттерінің құны:
– Айлық – 9 900 теңге.
– Студенттік – 4 200 теңге.
– Мектеп — 2 000 теңге.
– Зейнетақы – 3 000 теңге.
ҰОС қатысушылары, 75 жастан асқан зейнеткерлер, 1, 2-ші топтағы мүгедектер, 18 жасқа дейінгі мүгедек балалар, саяси қуғын-сүргін құрбандары мен басқа мемлекеттердің аумағындағы әскери қимылдардың ардагерлері т. б. үшін жол жүру тегін.
– Студенттер, зейнеткерлер, көпбалалы аналар мен мүгедек балалармен бірге жүретіндерге 50% жеңілдік.
Қалалық мобилділік басқармасы тегін ауысып отыруға мүмкіндік беретін жол жүру билеттерінің жаңа нұсқасын әзірлеп жатыр!
Құлаққағыс📌
3️⃣ Олимпиада-2024: Назым Қызайбай ширек финалға шықты
Боксшы Назым Қызайбай Париж Олимпиадасында бразилиялық Каролайн Барбоза де Алмейданы 5:0 есебімен жеңіп, ширек финалға шықты. Енді ол Колумбия өкілімен кездеседі.
Айта кетейік, Назым Қызайбай 50 келі салмақ дәрежесінде өнер көрсетеді. Ал 75 келі бойынша Париж Олимпиадасына барған Валентина Хальзова алғашқы жекпе-жекте ұтылып, жарыс жолынан шығып қалды.
Тағы бір боксшы қызымыз Карина Ибрагимова 57 келіде бақ сынайды.
Спортшымызға жеңіс тілейміз! 👍
