Бәріне сәлем!
Қыздар мен жігіттер, назарларыңа кезекті ТОП-3 жаңалықты ұсынамыз!✔️
1️⃣ Алматыда әлеуметтік бизнес ашуға 5 млн теңгеден беріледі
“Алматыда әлеуметтік бизнес ашып, 5 млн теңгеге дейін грант алғыңыз келе ме? Әлеуметтік кәсіпкерлерге арналған байқау жарияланды! 5 млн теңгеге дейінгі мөлшердегі гранттар “Бір ауыл — бір өнім” бағдарламасының финалисті болған шағын және орта кәсіпорындарға беріледі. Байқаудың жалпы бюджеті – 500 млн теңге”, — делінген әкімдік таратқан ақпаратта.
Өтінім 14-18 қазан аралығында “Электрондық үкімет”порталы арқылы Kezekte.kz жүйесінде қабылданады.
Толығырақ және кеңес беру:
Алматы қаласы Кәсіпкерлік және инвестициялар басқармасы: +7 (727-39) 0-20-99, +7 (727) 390-20-69.
Алматы қаласы Кәсіпкерлер палатасы: +7 (727-33) 1-01-33, 1432 (call-center).
“Даму” кәсіпкерлікті дамыту қоры: +7 (727-24) 4-55-77, 244-55-66.
Мүмкіндікті жіберіп алмаңыз!😍
2️⃣ Суицидке итермелейтін Telegram арна бұғатталды
Алматы прокуратурасы оқырмандарына өз-өзіне қол салуға тапсырма берген Telegram арнаны бұғатталғаны туралы хабарлады.
2024 жылы 23 қыркүйекте сот Алмалы ауданы прокурорының деструктивті чатқа тыйым салу туралы талабын қанағаттандырды. Сот шешімі дереу Мәдениет және ақпарат министрлігіне орындауға жолданды.
«Бас Прокурордың тапсырмасын орындау мақсатында Алматы қаласының прокурорлары тыйым салынған контенті бар Telegram арнаны бұғаттау шараларын қабылдады. Тексеру барысында 67 оқырман әкімшіліктен суицидке бағытталған рөлдік командалар алғаны анықталды. Алматы прокуратурасы ата-аналарға интернетті қолдануда жауаптылықпен қараудың маңыздылығын еске салады, күдікті контент анықталған жағдайда құқық қорғау органдарына жүгіну қажет», — деп хабарлады қалалық прокуратурадан.
Прокуратура ата-аналарға ескерту жасады. Абай болыңыздар!🙌🏻
3️⃣ Түнде 2-8 градус аяз болады: синоптиктер алдағы үш күнге болжам жасады
Қазгидромет 3-5 қазанға жасалған ауа райы болжамын жариялады.
Синоптиктердің мәліметінше еліміздің оңтүстік-батысында, оңтүстігінде және оңтүстік-шығысында ауа райы жаңбырлы болады.
Кезекті солтүстік-батыс антициклоны Қазақстанның басым бөлігіне өз ықпалын тигізеді, ауа райы салқындайды және негізінен жауын-шашынсыз болады деп болжанып отыр.
Тек еліміздің оңтүстік-батысында, оңтүстігінде және оңтүстік-шығысында найзағай ойнап, жаңбыр жауады.
3 қазанда оңтүстік-батыста қатты жаңбыр жауады, оңтүстік-шығыстың таулы аймақтарында қатты жауын-шашын болады (жаңбыр, қар).
Республика бойынша жел күшейіп, түнде және таңертең тұман түседі.
Республиканың солтүстік, шығыс және орталық аймақтарында түнгі уақытта ауа температурасы 2-8 аязға дейін төмендейді.
Жылы киініп жүріңіздер!📌
