Кеш жарық, қыздар мен жігіттер!
Назарларыңызға бүгінгі күннің ТОП-3 жаңалығын ұсынамыз✅
1️⃣ Қазақстанда 69 жыл бұрынғы температура рекорды жаңарды
2024 жылы қарашада Қазақстан синоптиктері бірнеше ауа райы рекордын тіркеді.
Қарашаның бірінші онкүндігінде Қазақстанның шығыс бөлігінде оң температуралық фон байқалды, бірнеше рекорд жаңарды: 3 қарашада Балқаш метеостанциясында температура +15,9 градусқа жетіп, 1955 жылғы рекордты (+15,8 градус) жаңартты. Павлодар метеостанциясында температура +15,6 градусқа дейін көтерілді. Бұрынғы рекорд 1988 жылы тіркелген, сол кезде ауа температурасы +13,7 градус болған.
Қарашаның екінші онкүндігінің басында антициклон Қазақстанның басым бөлігін қамтыды, нәтижесінде түнгі ауа температурасы -11-19 градусқа, оңтүстікте -5-10 градусқа дейін төмендеді.
Орталық және шығыс аймақтардың кей жерлерінде термометр бағандары -23-29 градусқа дейін төмендеді. 13 қарашада Қарағанды облысындағы Ақтоғай метеостанциясында ауа температурасы -26,2 градусқа жетіп, 2018 жылғы рекордты жаңартты, ол кезде температура -25,1 градус болған, – деді синоптиктер.
Ай бойы белсенді атмосфералық фронттары бар циклондар республика аумағында жауын-шашынды және желді ауа райын қалыптастырды. Мұнда да рекордтар тіркелді.
Ақтөбе облысында 1 қарашада айлық жауын-шашын нормасы – 16 миллиметр түсті, айлық норма – 18 миллиметр. 5 қарашада Ойыл метеостанциясында – 15 миллиметр, ал айлық норма – 22 миллиметр. 11 қарашада Күршім метеостанциясында 30 миллиметр жауын-шашын түскен, айлық нормасы 28 миллиметр болады, – деп хабарлады метеорологтар.
Астанада қарашадағы орташа температура -3,5 градус болып, нормадан 1,7 градусқа жоғары болды. Ең төменгі температура 30 қарашада -14,8 градус болып тіркелсе, 3 қарашада ең жоғары температура +13,6 градусқа жетті. Ай бойы 38 миллиметр жауын-шашын түсті, бұл айлық норманың 131 пайызына тең (норма – 29 миллиметр).
Мәссаған, расымен өзгерістер байқалады! 😶
2️⃣ Ресейлік киноиндустрия Қазақстан нарығын бағындыруға кірісті
Голливуд фильмдерінің қазақ тіліндегі нұсқалары кассалық табысқа ие болып жатқанын байқаған ресейлік продюсерлер де өз мүмкіндіктерін сынап көруге шешім қабылдады. Қаңтардың басында қазақстандық кинотеатрларда қазақ тіліне дубляждалған алғашқы ресейлік фильм – “Финист. Ғажайып ертегі” көрсетіле бастайды.
Қызығы, “Финист. Ғажайып ертегі” фильмінің түсіру тобы Қазақстанда 23 күн жұмыс істеген. Түсірілім орындары қатарында: Айғай құм, Шарын шатқалы, Конаев қаласы мен Алматының маңындағы ормандар мен таулар, Номад қамалының айналасы, ұлттық парктер және Қазақстан даласы бар. Фильмнің жаппай көріністеріне кастинг арқылы таңдалған 300-ге жуық қазақстандық актер қатысқан. Ресейлік продюсерлер қазақстандық рэпер Бахтияр Мамедовтың (Jah Khalib) Айсултан Сейітов түсірген “Медина” клипінің табысынан шабыт алған болуы мүмкін.
Сондай-ақ, биыл қазақ тіліндегі голливуд фильмдерінің коммерциялық жетістіктерін ерекше атап өтуге болады. Жазда “Ойжұмбақ 2” мультфильмі 138 миллион теңге жинаса, желтоқсанда бұл рекордты “Моана 2” анимациялық фильмі жаңартып, прокатта 151 миллион теңгеден астам табысқа қол жеткізді.
Сіздің ойыңызша, қазақ фильмдері қашан өзге тілде дубляждалып, басқа елдің кинотеатрларында көрсетіле бастайды?🤔
3️⃣ Астаналықтар танымал топтың концертіне билет аламыз деп сан соғып қалды
Елорда тұрғындары жалған концерт билеттерін сатып алып, алаяқтардың құрбаны болды. Жәбірленушілер танымал қазақстандық топтың концертіне кіре алмай қалған сәтте ғана алданғандарын түсініп, бірден полицияға жүгінген.
«Сол сияқты, басқа да азаматтар ресейлік танымал әншінің кешіне кіру үшін жалған QR кодтар сатып алған. Билеттердің құны 10 мыңнан 20 мың теңгеге дейін болған, ал жалпы келтірілген шығын шамамен 200 мың теңге болды», — делінген хабарламада.
Жедел-іздестіру іс-шаралары барысында Алматы ауданының криминалдық полиция бөлімінің қызметкерлері бұл алаяқтыққа 18 жастағы азаматтың қатысы бар екенін анықтады.
«Күдікті Instagram желісінде жалған аккаунт ашып, танымал әншілердің концерттеріне баруға мүмкіндік беретін, шын мәнінде жоқ билеттерді ұсынған. Полиция қызметкерлері жәбірленушілер ақша аударған банктік шотты тексеру арқылы күдіктіні таба алды. Тергеу барысында жігіт өз кінәсін толық мойындап, тағы да 11 осындай алаяқтық әрекет жасағаны анықталды».
Абай болыңыздар! Қазір алаяқтықтың түрі көбейіп кетті📌
