Кеш жарық, қыздар мен жігіттер!
Назарларыңа бүгінгі күннің ТОП-3 жаңалығын ұсынамыз✅
1️⃣ ТЖМ Алматы қаласы тұрғындарына ескерту жасады.
11 қыркүйекте Алматыда жер сілкінісі кезіндегі іс-қимыл бойынша ауқымды оқу-жаттығу өтеді. Сағат 10: 00-де бүкіл қала бойынша сиреналар қосылады.
ТЖМ мәліметінше, 11-12 қыркүйекте «Жер-2023» Республикалық командалық-штабтық оқу-жаттығуына Әзербайжан, Венгрия, Қырғызстан, Түркия, Өзбекстан төтенше ведомстволарының авариялық-құтқару қызметтері қатысады.
«Сейсмикалық жаттығуды бастамас бұрын дабыл қағатын чемодан дайындаңыз, қауіпсіз жерге эвакуациялау бағытын алдын ала анықтаңыз. Бұл электр желілерінен, ағаштардан және ғимараттардан алыс орналасқан ашық алаң болуы мүмкін. «Барлығына назар аударыңыз!» сигналын естігеннен кейін, сабыр сақтап, ғимараттан эвакуациялаңыз. Басқа да нұсқаулықтар хабарлау құралдары арқылы хабарланады», – делінген хабарламада.
Төтенше жағдайлар министрлігі Алматы тұрғындары мен қонақтарын жалпы қалалық сейсмикалық жаттығуларға белсенді қатысуға шақырды.
11 қыркүйекте елімізде сейсмикалық жаттығулар өткізіледі.📌
2️⃣ Әділет министрлігі әлеуметтік желілерде таралып жатқан бұйрықтың фейк екенін мәлімдеді.
Желіде қойылған қолма-қол ақша қаражатын сақтау жөніндегі есептілік туралы «бұйрықтың» көшірмесі тарады. Алаяқтар әділет министрлігінің есікірген эмблемасын да қолданған.
«Министрліктің ескірген эмблемасы қойылған қолма-қол ақша қаражатын сақтау жөніндегі есептілік туралы ақпараттың жалған екендігін ресми түрде мәлімдейді. Құжатта көрсетілген әділет вице-министрі Алма Мұқанованың қолы емес», – делінген ресми хабарламада.
Министрлік мамандары өзге тұлғаларға дербес мәліметтерді бермеу қажеттігін ескертті. Ал қосымша сұрақтар туындаған жағдайда азаматтар «119» нөмірі бойынша байланыс орталығына қоңырау шалуға болады.
Алаяқтар алдаудың тағы бір түрін ойлап тапқан болатын. Абай болыңыздар☝🏻
3️⃣ Қазақстанда жол қозғалысы ережесі бойынша электрсамокат мен мопедтерге қойылатын талап жаңарды.
Жолда жүру ережелері «электрсамокат» және «шағын электрлі көлік» ұғымымен толыққан.
* Осылайша, электрсамокат – бұл екі немесе үш дөңгелегі бар, бір адамды электр қозғалтқышы (электр қозғалтқыштары) арқылы жылжытуға арналған, отырғышсыз, максималды жобалық жылдамдығы сағатына 25 километрден аспайтын жеке қозғалмалы көлік құралы.
* Өз кезегінде шағын электрлі көлік – электр қозғалтқышымен жабдықталған, электр қозғалтқышы бар мотороллер мен мопедтерді қоспағанда, бір немесе бірнеше дөңгелегі бар, жеке қозғалысқа арналған көлік құралы.
Сонымен қатар шағылыстыратын объект тұжырымдамасы енгізілді. Ол жарық сәулесін көзге қайтару мүмкіндігі бар арнайы материалдан жасалған объект. Жүргізуші көрмеген жағдайда 150 метр қашықта төмен сәулелі фаралар және 400 жоғары шамдармен қамтамасыз етеді. Соның ішінде шағылыстыратын киім, киімдегі шағылыстыратын элементтер бар.
Мопед жүргізушілеріне велосипед жолымен, велосипед сызығымен, жолдың жиегімен, тротуармен немесе жаяу жүргіншілер жолымен жүруге тыйым салатын ереже қосылды.
Жаңа тармақ электрсамокаттар қозғалысының тәртібін реттейді.
Ішкі істер министрінің 2023 жылғы 31 тамыздағы бұйрығымен жаңа ереже бекітілді. ✔️
