Құрметті оқырмандар! Қауырт жұмыс аптасынан кейін көбі әдемі жерде демалуды жоспарлайды. Бәлкім, бұл қатарда сіз де бар шығарсыз?🤔
Ендеше #Үйдежатпа ұжымы арнайы сіз үшін Алматы, Астана және Шымкент қалаларында осы демалыс күндері тегін баруға болатын іс-шаралар топтамасын дайындап қойды. Ал басқа қалалардан ақпарат болмағандықтан, сен өзің ұсынатын орныңды жазып кет!
АЛМАТЫ:
📚Kitap Fest фестивалі
Келушілер көптеген кітаптың тұсаукесеріне қатысып, танымал жазушылармен жүздесе алады. Фестивальде «Ауылға кітап» дәстүрлі акциясы өтеді. Онда кез келген адам кітапты Қазақстанның ауылдық кітапханаларына табыстай алады. Сондай-ақ бірегей «кітап лабиринті» салынады. Мұнла 5000 тегін кітап таратылады.
Орны: Арбат, Жібек Жолы даңғылы
Күні: 9 қыркүйек. 11:00-19:00
🎤Etnotronica Almaty электронды музыка фестивалі
Open-air фестивалінің ең үздік этно-орындаушылар Қазақстанның электроника әртістерімен бірлесіп өнер көрсетеді. Грузия мен Өзбекстанның dance топтары жаңа дыбыстармен тамаша үйлесетін дәстүрлі аспаптардың таңғажайып дыбыстарының ерекше әлеміне енуге көмектеседі.
Орны: Абай алаңы, Достық даңғылы, 56
Күні: 9 қыркүйек. 20:00-23:00
🎬»Жаңа шекара»кинофестивалі
Фестиваль Шығыс Түркістанда тұратын қазақтардың, ұйғырлардың және басқа да халықтардың мәдениеті мен тарихына арналған. Фильм көрсетілімдері арасындағы үзіліс кезінде панельдік пікірталас және artist-talks өтеді.
Орны: «Несанаторий» шығармашылық және мәдениет резиденциясы, Луганский көшесі, 54
Күні: 9 және 10 қыркүйек. 14:00-22:00
🏹»Ұлағат сөзім ұрпаққа» жыр-терме фестивалі
Республикалық фестиваль халықтың патриоттық сезімін, ұлттық рухы мен ұлттық тұтастығын нығайтуға бағытталған.
Орны: «Алатау» театры, Нұркент, 6 шағын ауданы
Күні: 10 қыркүйек. 17:00
⛳️Artbat Fest Фестивалі
Заманауи қазақстандық суретшілер арнайы Алматы мен алматылықтар үшін қаланы мультифункционалды smart нысандар арқылы безендіреді.
Орны: Арбат, Жібек Жолы даңғылы
Күні: 10 қыркүйек. 11:00-19:00
🎬»Қазақфильмнің» ашық аспан астындағы кинофестивалі
Ашық аспан астындағы үлкен экраннан отандық фильмдерді тамашалай аласыз.
Орны: Mega Park СОО аумағында футбол алаңы, Мақатаев көшесі, 127/1
Күні: 9 қыркүйек. 20:00
💪»Алға» көрмесі
Бұл көрме не туралы? Көрме шығармашылықтың батылдық пен екпінге, тыңдауға деген ұмтылысқа негізделгенін көрсетеді. Іштегі күрес ешқашан аяқталмайды. Оның бір ғана шешімі бар: яғни, шығармашылықпен үйлесімділікте болу.
Жас шектеуі: 18+
Орналасқан жері: Dump Gallery, Панфилов көшесі, 101
Күні: 9 және 10 қыркүйек. 18:00-22:00
АСТАНА:
👨👩👧👦 PRO.NRG FEST ғылыми отбасылық фестивалі
Ғылым, өнер және технология фестивалінде мектеп оқушылары мен олардың ата-анасы ізденімпаз зерттеушілер болады. Мұнда ғалымдар күрделі нәрселерді қарапайым тілмен түсіндіреді. Ал мұғалімдер балаларға сабақты қалай қызықты әрі ерекше өту керек екенін түсіндіреді.
Орны: Оқушылар сарайы, Момышұлы даңғылы, 5
Күні: 9 қыркүйек. 11:00 — 18:00
😻»Дала қазынасы» көрмесі
Көрмеде көшпелі қазақ тұрмысына арналған заттарды бірнеше жылдан бері жинап келген суретші әрі коллекционер Сержан Башировтың еңбектері ұсынылады.
Орны: Forte Kulanshi Art Space, Достық көшесі 8/1
Күні: 9 және 10 қыркүйек. 10:00 — 20:00
ШЫМКЕНТ:
👏Диас Давесовтың “Қағаз рапсодиясы” атты жеке коллаждар көрмесі
Бұл автордың Шымкентте өтіп жатқан — тұңғыш үлкен көрмесі. Онда 70-тен астам коллаж болады. Көрмеде Диастың бейнелеу өнерінің осы түрі бойынша үш жыл жасаған коллаждарының үлкен бөлігін тамашалай аласыз.
Орны: музыкалық аллея, Қазыбек би көшесі, 13А
Күні: 9 және 10 қыркүйек. 10:00 — 18:00
Айтпақшы, тегін кино билеттерін әр жұма сайын біздің арнада өткізілетін викторинадан ұтып ала аласыз. Сонымен қатар жазбаларымызға пікір жазып, белсенді болған 3 оқырманымызға айына бір рет кино билеттерін табыстаймыз. Ендеше демалыс күндеріңіз жақсы өтсін!
