Мемлекеттік кірістер комитеті @SalyqBot сандық салық кеңесшісін іске қосты.
«@SalyqBot» 1 наурыздан бастап телеграм-да жұмыс істейді.
Аталмыш бот бірнеше функциядан тұрады. Олар:
– пайдаланушыға салық берешегінің болуы немесе болмауы туралы ақпаратты лезде алуына мүмкіндік береді;
– салық төлеушілерге көлік құралдары салығы мен өсімақыны өз бетінше есептеуге көмектеседі;
– қажетті анықтамалық ақпаратты білуге, салық күнтізбесін пайдалануға мүмкіндік береді;
– жеке немесе заңды тұлғаның қажеттілігіне байланысты пайдалы жаңалықтар мен хабарламалар жібере алады;
– пайдаланушыларға Мемлекеттік кірістерге қатысты өзекті тақырыптар мен мәселелер туралы бейне сабақтар мен бейне нұсқаулықтар арқылы мәлімет береді;
– заңды тұлғалар үшін төленген сомалар туралы ақпаратты білуге мүмкіндік береді.
