Кеш жарық, қыздар мен жігіттер!
Назарларыңа бүгінгі күннің ТОП-3 жаңалығын ұсынамыз✅
1️⃣ Қазақстанда жүрек аритмиясын емдейтін жаңа технология енгізіледі
University Medical Center (UMC) мамандары ТМД және Орта Азия елдері арасында бірінші болып жүрек аритмиясын емдейтін жаңа технология енгізіліп жатыр.
UMC жүрек орталығында жүрек аритмиясы бар науқастарды емдейтін жаңа электро-импульсті абляция технологиясы Farapulse енгізілді. Технология тиімді, қауіпсіз және аз уақытта жүрек аритмиясы түзеледі. Шеберлік сағатын Францияның Clinique Pasteur клиникасының профессоры Серж Боведа өткізді. Ол сондай-ақ бүкіл әлемнен кардиологтар мен мамандарды біріктіретін Еуропалық жүрек ырғағы қауымдастығының хатшысы.
«Бұл аз инвазивті процедура, оның барысында катетер феморальды тамыр арқылы енгізіліп, жүрекке жеткізіледі. Әрі қарай тері тесігін қалыптастыру және патогендік жасушалардың өлуі үшін тіндерге электропорация немесе электр өрістерінің әсері қолданылады. Процедураның өзі бір сағаттан аспайды. Қалпына келтіру кезеңі 1-2 күнді алады», — деп бөлісті дәрігер.
Жаңа технология алғаш рет UMC клиникаларында енгізілуде.
«Технология құрылғыны жақын маңдағы тіндерге зиян келтірмейтіндей етіп орнатуға мүмкіндік береді және тек патологиялық аймақтарға бағытталған. Біз шеберлік-класстың екі күнінде 8 процедураны өткізуді жоспарладық. Емдеу пациенттеріміздің өмір сүру сапасын жақсартуға көмектеседі деп үміттенеміз», — дейді UMC жүрек орталығының интервенциялық аритмология бөлімінің меңгерушісі Өмірбек Нұралинов.
Дәрігерлердің айтуынша, алдағы он жылда да өлімнің басты себебі жүрек-қан тамырлар ауруы болып қала береді.
«Сондықтан жүрекше фибрилляциясы бар науқастар үшін жаңа технологияны енгізу өте маңызды. Жылына осындай диагнозы бар 1000-ға жуық пациенттерді емдеу қажет. Техника қауіпсіз, жылдам және оқуға оңай, әсіресе жас мамандар үшін. Сондай-ақ біздің азаматтарымызға мемлекеттік квота шеңберінде емдеу тегін беріледі», — деді UMC басқарма төрағасы Юрий Пя.
Тамаша!👍
2️⃣ Илон Маск Марсқа бес нысан жіберуге ниетті
Бұл туралы Илон Маск өзінің X-тегі парақшасында хабарлады.
Оның айтуынша, ұшқышсыз ғарыш аппаратының ұшу мерзімі мен уақыты жобалардың сәттілігіне байланысты болмақ. Егер барлығы жоспардағыдай болса, адамдар төрт жылдан кейін Марсқа өздігінен ұша алады. Мәселелер туындаса, жоспар бірнеше жылға кешігуі мүмкін.
“NASA осы жылдың басында Artemis-3 миссиясын, яғни SpaceX Starship көмегімен Айға алғашқы қонуды 2026 жылдың қыркүйегіне қалдырды. Бұрын бұл 2025 жылдың соңына жоспарланған болатын”, – деп мәлімдеді NASA.
Бұған не дейсіз?🤔
3️⃣ 23-27 қыркүйек аралығында еліміздің барлық мектебінде балалардың қауіпсіздігіне арналған ата-аналар жиналысы өтеді
Жиналыста ата-аналардың бала өміріндегі, сондай-ақ онлайн кеңістіктегі қауіпсіздігіне қатысты жауапкершілігі туралы сөз қозғалады.
«Ата-аналарға қауіп-қатерлерді дер кезінде қалай анықтау және оларды болдырмау үшін қандай шаралар қолдану керектігі туралы қадамдық ұсынымдар беріледі», — деп жазылған хабарламада.
Олардың негізгілерінің қатарында баланың мінез-құлқын бақылау, әлеуметтік желілердегі белсенділікті бақылау және мектептегі құрдастарымен қарым-қатынасы бар.
Бұдан бөлек, мамандар баламен тұрақты қарым-қатынас жасаудың, ашық диалог үшін сенімді орта құрудың және ата-аналардың баласының өміріне ұдайы қатысуының маңыздылығына назар аударды.
«Баламен ашық диалог құру, оның өміріне ұдайы қатысып отыру, цифрлық құрылғыларды бақылау және баламен қауіпсіздік тақырыбында әңгімелесу – бұл проблемалардың алдын алуға көмектесетін негізгі қадамдар. Ата-аналардың міндеті тек баланың жүріс-тұрысын бақылап қана қоймай, сонымен қатар өз баласымен оны әрқашан тыңдауға және көмектесуге дайын екенін білдіретін сенімді қарым-қатынас қалыптастыру», — деп атап өтті Оқу-ағарту министрлігі Балалардың құқықтарын қорғау комитетінің төрағасы Насымжан Оспанова.
Құлаққағыс📌
