Саяхатқа шыққанда ескеру қажет 7 ереже
🟢 Құжаттарды тексеру
Шетелге шығар алдында алдымен жол құжаттарыңыздың дұрыстығын тексеріп алған жөн. Әсіресе, паспорттағы тегіңіздің, атыңыздың, әкеңіздің атының (латын тіліндегі транслитерациясы да), туған күніңіз бен туған жеріңіздің, балаларыңыз туралы мәліметтердің, паспортыңыздың аяқталу мерзімінің (паспорттың мерзімі сапар аяқталғаннан кейін кем дегенде 6 айға дейін жарамды болу керек) дұрыс жазылғанына көз жеткізіңіз.
Жолға аттанар алдында туыстарыңыз бен достарыңызға өзіңіздің сапарыңыз бен баратын жеріңіз туралы айтып, байланыс телефондарыңызды тастап кетіңіз.
Egov.kz порталының “Шетелге шығу” бөлімде көрсетілген баратын елдегі ҚР-ның елшілігі немесе консулдық мекемесінің телефондарын жазып алыңыз.
🟢 Бірнеше апта бұрын орын алып қою
Демалыс белгілі бір күндерде өтетініне сенімді болсаңыз, турды ертерек алып қойыңыз. Мысалы, ақпан және наурыз айларында алсаңыз, қаржыңызды айтарлықтай үнемдейсіз. Дәл жыл басында туроператорлар авиатасымалдаушылармен келісімшарт жасасады. Туризм – маусымдық қызмет түрі. Әдетте, қысқы кезеңде кәсіпорындар қаржылық ресурстарын толықтыруы керек. Және оларды тарту үшін олар өте қолжетімді бағамен турларды ұсынады.
Алдын ала орын алу немесе соңғы минуттық тур туралы жиі айтылады. Қайсысы тиімдірек? Қаржылық жағынан алғанда, бұл шамамен бірдей. Бірақ “соңғы минуттық” турларды сатып алғанда туристер әдетте, кету күндерін, қонақүйлерді және әуе тасымалдаушыларын таңдай алмайды.
🟢 Әуе билеттерін күні бұрын іздестіру
Көптеген саяхатшылар әуе билеттерін алдын ала іздеп, ертерек сатып алсаңыз, рейс соғұрлым арзан болатынын айтады. Ұшуды жұма, демалыс, мереке және мереке алдындағы күндерге жоспарламау керек. Жоғары сұраныс әуе компанияларының тасымалдау құнын көтеруге итермелейді.
📌 Қолжетімді бағалар сейсенбі, сәрсенбі және бейсенбі күндері белгіленеді. Интернет арқылы билеттерді брондау кезінде «төмен бағалар күнтізбесін» пайдаланыңыз. Сейсенбі күні түстен кейін отырғызу талондарына тапсырыс беруді ұмытпаңыз. Қазіргі уақытта көптеген компаниялар айтарлықтай жеңілдіктер ұсынады.
🟢 Ұшақтағы орынды дұрыс таңдау
Демалыс орнына ұшу да сапардың бір бөлігі. Сондықтан оны ыңғайлы етіп жасаған жөн. Билет сатып алғанда, рейстің бағыты мен уақытын бағалаған жөн. Орынды күн түспейтін жақтан брондау жақсы. Перделері жарықтан қорғайды, бірақ жоғары температурадан толық қорғаныс бермейді.
🟢 Дәрі-дәрмек алу
Баратын елдерде өзіңізге қажетті дәрі-дермектердің бар-жоғын алдын ала біліп алыңыз. Кейбір жағдайларда Қазақстанда оңай сатып алуға болатын дәрілерді шет елдерде шығара бермейді немесе оларды тек дәрігердің рецептімен ғана сатып алуға болады.
Ауа райы ыстық елдерге баратын болсаңыз, алдын ала егілген жөн. Тропикалық елдерге баратындарға күл ауруына, сіреспеге, полиомелитке қарсы егілген дұрыс. Африка (Сахарадан оңтүстікке қарай) мен Латын Америкасына барар алдында безгекке қарсы міндетті түрде егілу керек. Меккеге баратындарға делбеге қарсы егіліп алған жөн. Африка мен Оңтүстік-Шығыс Азия елдерінде ұзақ уақыт болатын болсаңыз В гепатитіне қарсы егілген дұрыс.
🟢 Қаражатты жаныңызда ұстаңыз
Мүмкіндік болса, саяхаттауды жоспарлап отырған мемлекеттік валюталарын алыңыз. Себебі әуежайда қандай да бір ақы төлеуге, бір бөтелке су немесе бір шыны кофе сатып алуға тура келетін жағдайлар болады. Ал ұшып келгеннен кейін банкомат іздеуге күш те, ниет те болмайды. Ал терминал ғимаратында орналасқан ақша айырбастау пункттері ең тиімсіз бағамды ұсынады. Жалпы, ірі банк бөлімшелерінде немесе барлық негізгі туристік көшелерде орналасқан айырбастау пункттерінде қолма-қол ақшаны ауыстыру тиімдірек. Бірақ ең жақсы баға банкоматтарда ұсынылады.
Бұл сәт автобуспен саяхаттағандарға да қатысты. Кем дегенде, тур кезінде құлаққаптар үшін ақы төлеу керек. Ал кәдесыйлар үшін олар қолма-қол ақша сұрайды.
🟢 Барлық ақшаны бір жерге қоймаңыз
📌 Бұл — ескерту. Әрине, ең жақсы нұсқа қолма-қол ақшаны сейфте сақтау. Бірақ жеке секторды айтпағанда, барлық қонақүйлер мұндай қызмет көрсете бермейді. Сондықтан ақшаны бірнеше бөлікке бөліп, әртүрлі жерге сақтаған дұрыс. Себебі танымал туристік бағыттарда қалта ұрылары көп болады.
