👀Бүгін — Адам құқықтары күні. Екінші дүниежүзілік соғыстан кейін, миллиондаған адамның құқықтары аяққа тапталған кезеңнен соң, 1948 жылдың 10 желтоқсанында БҰҰ Бас Ассамблеясы Адам құқықтарының жалпыға ортақ декларациясын қабылдады. Бұл – адам құқықтары туралы ережелерді алғаш рет тұжырымдаған әлемдік деңгейдегі құжат. Оның негізінде басқа да халықаралық келісімдер әзірленеді. Декларацияда саяси, азаматтық, әлеуметтік, мәдени және экономикалық құқықтардың кең тізімі қамтылған. Айта кетейік, 10 желтоқсанда халықаралық жануарлар құқығын қорғау күні де аталып өтеді.
💪1997 жылы 10 желтоқсанда Қазақстан астанасын Алматыдан Ақмолаға ресми түрде көшірді. Алты айдан кейін, яғни 1998 жылы маусымда Астананың ресми тұсаукесері өтті. Осы жылдар ішінде еліміздің бас қаласы адам танымастай өзгерді. Елорданы көшіру туралы шешім қабылданған кезде Ақмола халқының саны 290 мың адамды құрады. Осы жылдар ішінде халық саны бір миллионнан асты, қазір Астанада 1,5 миллионнан астам адам тұрады.
Тағы қай қалалар Қазақстанның астанасы болды?
👋Бүгін Нобель күні тойланады. Жыл сайын 10 желтоқсанда ең беделді халықаралық марапат “Нобель” сыйлығын табыстау рәсімі өтеді. Бұл көрнекті ғылыми зерттеулерге, революциялық өнертабыстарға, мәдениет пен қоғамға елеулі үлес қосқан тұлғаларға беріледі және халықаралық деңгейде ең құрметті азаматтық марапат ретінде танылған. Бүгін жеңімпаздарға сыйлықты Швеция королі өзі табыстайды.Лауреаттарға сыйлықтың негізін қалаушының суреті бар алтын медаль, диплом және ақшалай сыйлық беріледі, оның сомасы биылғы жылы шамамен 1 миллион долларды құрайды.
Лауреаттарға сыйлық ретінде Нобель сыйлығының негізін қалаушының портреті бейнеленген алтын медаль, диплом және биылғы мөлшері шамамен 1 миллион доллар болатын ақшалай сыйақы беріледі.
Биыл Нобель сыйлығы кімге беріледі?
👥10 желтоқсан — танымал екі тұлғаның туған күні. Бүгін қазақстандық кинорежиссер, Қазақстанның еңбек сіңірген қайраткері Ардақ Әмірқұлов 69 жасқа толды. Оның “Отырардың күйреуі” фильмі көптеген халықаралық марапатқа ие болып, 1992 жылы “Оскар” сыйлығына ұсынылған еді. Сонымен қатар оның “Қош бол, Гүлсары!”және “Абай” фильмдері де көрерменнің жүрегінен орын алды. 67 жыл бұрын америкалық актер Майкл Кларк Дункан (1957-2012) дүниеге келді. Оның ең танымал рөлдерінің бірі – “Жасыл миль” фильміндегі Джон Коффи образы. Сондай-ақ ол “Армагеддон”, “Шаяндар патшасы” және “Арал” фильмдерінде сомдаған рөлімен де танымал.
Ардақ Әмірқұловтың соңғы фильміне арналған шолуымызды мына сілтемеден көре аласыз:
#күнтізбе #10желтоқсан #құқық
