🗣26 қазанда көңілді мереке — күтпеген тосынсыйлар күні аталып өтеді. Бұл күннің дәстүрлері мерекенің атауымен тікелей байланысты. Бүгін өзгелерге, тіпті танымайтын адамдарға да, себепсіз түрлі жағымды тосынсыйлар жасаған жөн. Философиялық ілімдерге сәйкес, жасалған жақсылық жасаушыға жүз есе болып қайтады. Ғылыми зерттеулер көрсеткендей, жағымды әрекеттер жасап, көңіл күйімізді көтеру арқылы иммунитетті нығайтып, жалпы жағдайымызды жақсартып, жүйке және қан тамырлары жүйесінің ауруларынан қорғанамыз әрі өміршеңдік күшімізді арттырамыз.
Сіз осындай бастамаларды қолдайсыз ба?
🗣2017 жылы 26 қазанда режиссер Сәбит Құрманбековтың «Оралман» фильмі Италиядағы «Religion Today» («Бүгінгі дін») халықаралық кинофестивалінде “Үздік көркем фильм” атанды. Тәуелсіз қазылар алқасы «Оралман» туындысын Отанға деген шексіз махаббатты баяндайтын Орталық Азиядағы тамаша фильм екенін атап өтті. Осы марапатқа дейін «Оралман» фильмі Иранның және «Еуразия» халықаралық кинофестивалінде бас жүлдеге ие болды. Сондай-ақ Дулыға Ақмолда Қазан халықаралық мұсылман кинофестивалінде «Үздік ер адам рөлі» марапатын жеңіп алды.
Бұл фильмді көрдіңіз бе?
👀2018 жылдың 26 қазанында Абай облысында «Тарбағатай» ұлттық паркі ашылды. Саябақтың аумағы 143 550,5 га, қорғаныс аймағы — 204 602 га. Саябақтың ерекшелігі — мұнда қызыл кітапқа енгізілген өсімдіктердің 35-тен астам түрі бар. Паркте 1 640 флора түрі анықталған, оның ішінде көптеген емдік өсімдіктер бар. Сондай-ақ мұнда балықтың 376 түрі (19 мемлекет қорғаған), бауырымен жорғалаушылардың 23 түрі, қосмекенділердің 2 түрі, құстардың 272 түрі, сүтқоректілердің 60 түрі мекендейді. Олардың ішінде парктің қорғауында Қазақстанның Қызыл кітабына енгізілген жануарлардың 40 түрі бар.
Осы саябақта болған оқырмандар өз әсерлеріңізбен бөлісе отырыңыздар.
👥26 қазан — белгілі екі саясаткердің туған күні. 120 жыл бұрын қазақтың мемлекет және қоғам қайраткері Нұртас Оңдасынов (1904-1989) дүниеге келді. Жетекші лауазымдарда жұмыс істей отырып, ол ұлттық кадрларды даярлауға көп көңіл бөлді. Кейбір пікірлерге сүйенсек, ол Назарбаевты шәкірті Қонаевқа ұсынған. Мемлекет қайраткері — араб-қазақ, парсы-қазақ түсіндірме сөздіктерінің авторы. Сондай-ақ бүгін америкалық саясаткер Хиллари Клинтон 77 жасқа толды. Ол 1993 жылдан 2001 жылға дейін АҚШ-тың бірінші ханымы болды. 2016 жылы сайлауда АҚШ президенттігіне республикашыл Дональд Трамптан жеңілген Демократиялық партиядан үміткер болды.
Осы жылы АҚШ президенті сайлауында кім жеңіске жетеді деп ойлайсыз?
