«Үйде жатпа» күнтізбесі. 8 қазан: Есімдер, мерекелер, оқиғалар

Автор: редактор 08 Қазан, 2023


🤭8 қазан Халықаралық подиатрия күні аталып өтеді. Бұл күннің мақсаты – аяқты сау ұстаудың маңыздылығына назар аудару. Себебі бүкіл дененің толық жұмыс істеуі осы мүшеге байланысты. Сонымен қатар аяқтың кез келген деформациясы тірек-қимыл аппаратында және өмірлік маңызды процестерді қолдайтын барлық жүйелерде күрделі бұзылуларға әкеледі. Подиатрлардың травматология, хирургия, дерматология және басқа да пәндер бойынша білімі міндетті түрде болуы керек.

Деніңіз сау болсын және ауырмаңыз!

😮‍💨8 қазан – жалығу күні. Адамның табиғаты әртүрлі болып келеді. Мәселен, айналамызда көңілді немесе мұңды, көпшіл немесе тұйық, ұқыпты немесе ұқыпсыз, бақытты немесе сәтсіздікке жиі ұшырайтын жандарды кездестіріп жатамыз. Бірақ олардың арасында ерекше бөлек атап өтуге болатындары да бар. Олар – тез жалықтыратын адамдар. Мұндай жандар кез келген ұжымда болады. Көпшілігі олардан бойын аулақ ұстап, елемеуге тырысады. Алайда біз олардың ұқыптылығы мен сөгістеріне мұқтажбыз.

Егер осындай таныстарыңыз болса, оларды мерекесімен құттықтауды ұмытпаңыз!

🫕Бүгін микротолқынды пештің пайда болған күні. 1945 жылы 8 қазанда американдық Перси Спенсер ең танымал тұрмыстық электр құрылғыларының біріне патент алды. Мұны жасау идеясы оған микротолқынды сәуле шығаратын құрылғы – магнетронның жанында тұрып, қалтасындағы сэндвичтің қызып кеткенін білгеннен кейін келді. Алғашқы микротолқынды пештер үлкен асханалар мен мейрамханаларға арналды. Олардың салмағы 340 кг, ал биіктігі 175 см болатын шкафтар болды. Бірінші тұрмыстық микротолқынды пешті 1962 жылы жапондық Sharp компаниясы шығарған.

Сіздің үйде микротолқынды пештің қандай маркасы бар?

🎬8 қазан өмірге келген кино жұлдыздары. Бүгін американдық актриса әрі продюсер Сигурни Уивер 74 жылдығын атап өтеді. Ол көпшілікке «Чужой» фильмінде Эллен Риплидің рөлін сомдағаннан кейін танымал болды. Қала берді «Сердцеедки”, “Охотники за приведениями” және “Аватар» фильмдерінен де білеміз. Сондай-ақ бүгін американдық кино және теледидар актері Мэтт Дэймон 53 жасқа толды. Ол Джейсон Борн және Оушен достары туралы фильмнің үш бөлімімен, сонымен қатар «Марсианин» және “Ford против Ferrari” фильмдеріндегі рөлімен танымал. Өнер иесі «Оскар» және басқа да беделді марапаттардың иегері.

Сізге қай өнер иесі ұнайды: Сигурни Уивер немесе Мэтт Дэймон?